【周末焦點英皇錦標】岳家軍六路圍攻馬后

呢個星期六響雅士谷馬場舉行G1英皇錦標，今屆賽事焦點，成為咗岳伯仁同高仕登兩位大賽練馬師單打獨鬥局面，事關全場八匹馬由佢哋玩晒，岳家軍更係以眾凌寡，派遣六匹頂級佳駟包括「御用畫匠」、「巫師杖」、「變魔術」、「日出之國」、「龍子爵」、與「一國元首」強攻對手，而高仕登就以歐洲馬后「成全寶」，連同新勝G2夏域錦標嘅廐侶「敍述者」迎戰。

貴為擂台躉身分嘅「成全寶」，今屆力圖成為首匹於英皇鑽石錦標取得三連霸紀錄名駒，先前分別取勝於2017與2019兩屆頭馬，2018年則因養傷缺陣。

而這匹六歲馬后，於本月初舉行的日蝕大賽作為新季復出首仗，最終只做阿二屈居高多芬旗下「既成事實」，不過練馬師高仕登認為首仗熱身為主，表現已算不錯，而他對於這匹歐洲馬后很有信心，為再次踏上邁向凱旋門大賽，爭取三捷大賽之路的目標進發。

「成全寶」上一屆於凱旋門大賽，被「樹林之靈」將之擊敗，終止對上保持12連勝紀錄之餘，更粉碎其歷史上成為是項大賽三連霸好夢。