• L7Gaming

【師兄你點睇】忠心勇士唔穩陣 同場宜冷敲楊明綸(賴維銘)



記:嚟到七月,冠軍練馬師之爭進入白熱化,大摩今日(1日)沙田賽事繼續強陣,似乎仍有意力爭喎!


賴:大摩和蔡約翰都是出色的練馬師,兩人相差六場頭馬,大摩今日要追近絕對唔難,例如「好運」及「二郎」等機會都相當高。


記:第九場三班草地2000米,摩廐出三駒,大家都知大摩最拿手「摩法幻影」,要估邊匹贏都唔容易啊!


賴:這場三匹摩廐馬「勁揪」、「美麗經典」及「天外天」均有近績支持,各為其主,必然盡拼。雖然潘頓騎馬房報名首選「美麗經典」,但我認為唔好睇小「天外天」的機會。 呢匹三歲馬季尾表現甚佳,之前連勝兩場後,前仗全程望空仍能跑第三,本身不斷進步,居三班肯定可再贏。

上仗突然失準三甲不入,賽後又驗唔出有問題,晨操照做工夫一切正常,即管當剛戰是偶一為之。何澤堯今季騎出信心,亦得到很多外籍練馬師信任,可以為「天外天」這匹摩廐實力馬執韁,必拼個明白。


記:至於第八場三班草地1200米,摩廐「忠心勇士」插班初出,你又點睇呢匹兩歲馬機會?

賴:「忠心勇士」連勝兩場新馬賽表現出色,不過兩歲馬插班初出,排14檔難度可想而知,太熱捧犯不着。這場不妨留意師弟楊明綸策騎之冷馬「閃耀榮光」。

此駒上仗升班初戰三班,入直路後困守內欄,遲遲才能望空,力追「金鎗六十」及「牛角仔」等強手得第四,如非太遲才能發力,相信可以挑戰。

今場對手或不及上仗,吸取上仗經驗,發揮正常將有望坐位望贏。

0 views

USER GUIDE

FAQ

Deposit Guideline

Withdrawal Help

BANK PAYMENT

Copyright © 2019 L7Gaming | All rights reserved .

  • Facebook
  • Instagram