【戰況R2】綠格W擦出火花 國仔成功Connect神仙

雷神騎功超卓，多馬揀係平常事，以往佢都會以蔡廐馬先行，但近期就未必係，好似今場嘅「平海掌星」，雖然出過兩場都配雷神跑第二，但今場佢就騎羅富全嘅大熱門「翡翠鳳凰」，「平海掌星」就由利敬國接手，亦因而造就國仔首次替神仙贏馬，「平海掌星」跑過兩次千二都入Q，今場直路一加速即如入無人之境，順利打開勝門，今場仲要落到綠格，睇嚟神仙之後都會繼續關照國仔，「荷花福星」跑第二，三、四名分別係「翡翠鳳凰」及「維港奔流」。 第二場賽果：4-9-5-1 組合獨贏3揀1賽果：A1(最後賠率1.4)