【月頭等出糧】贏咗袋十皮 沈拿靠韋達開飯

沈拿現時六場頭馬當中，有四件係來自韋達馬房，對於騎者嚟講，係十分重要支持，明日沙田賽事，又會幫韋廐策騎第三場「八心之友」及第十場「得勝駒」兩件，論爭勝機會當以「得勝駒」行先，早兩日排位朝，更加由十三少親自快跳兩段仄準，備戰狀況空前積極。

沈拿手執二班賽事餐士馬，有幸贏咗可以袋超過十皮嘢，佢又何嘗唔著緊吖，今朝七時三刻，騎者見到韋達及其友人在馬房閘口接馬，立即上前同十三少研究搏殺策略，三人會議傾足十五分鐘，動態吸引，今仗一定要吼實佢!