【波馬同樂】無可限量進步到你唔信

各位好，周三季內首次夜馬，我揀了甚少選擇的三T場合來作推介，第5場四班1000米，睇好練馬師希斯可以延續開鑼日3W2P的旺勢，用「無可限量」做馬膽！

上季僅跑過1場，排14檔配楊明綸放入Q的「無可限量」，3歲10個月大的牠，經過暑假，進步的幅度可以大到你唔信！今仗前試過兩課泥閘，準備工夫做足，強配潘頓排6檔，當有不俗發揮，馬膽之材。

投注QQP的朋友可留意3隻配腳，第1隻是「紅衣火旺」，上季略為運滯的牠，不是排12檔、10檔就是8檔，表現麻麻。兩次上名先後排1檔和2檔，分別不敵「 你知我勝」和「旅遊拿督」跑P，以及屈居「電訊火箭」之後入Q。今次操足而臨排2檔，預期同場有不少快馬，只要老拍檔田泰安守到好位，有力挑戰頭馬。

第2隻是「勇創派對」，上季出兩次快活谷1000米均後上得第2，4歲未夠的馬今賽前做足工夫，亦試過一課1050米泥閘，箭嘴向上的馬續配何澤堯有力一爭，稍嫌排8檔，一位已足。

上季兩勝同程的「你知我勝」，暑假期間在從化抖足操夠，南下前亦曾試過一課閘，一放到底。今場只有3隻馬嘗過頭馬滋味，「你知我勝」是其中之一，4歲馬大把進步空間，但孭頂磅始終令人擔心，待升上三班負輕磅才大力支持吧！

若果投注三重彩的朋友，可考慮加多兩隻配腳，分別抽到1檔的父子兵「令才」，以及強配莫雷拉的「駿爵士」，兩隻馬均有長處，同時各有不足，三三四四已心滿意足。

第5場QQP推介：

4無可限量 拖

6紅衣火旺、3勇創派對、1你知我勝

三重彩推介：

4無可限量 拖

6紅衣火旺、3勇創派對、1你知我勝、5令才、2駿爵士

Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，

每个礼拜获取5%保险现金回扣和更多的欢迎奖金！