【賽馬以外】成為史上最強 金鎗先要做三冠王




今日馬圈最轟動嘅消息,當然唔係波健士重罰停賽9日,事關佢都一早畀競賽小組裁定罰天條,停賽就冇走雞,筆者都係估8至10日,結果開中間罰9日,波仔亦承認指控,咁咪好囉,乖乖認罪,咁先唔使煩,而佢最終喺第二單「文武先鋒」嘅研訊亦唔使罰,都叫逃出生天。


至於最大單嘅一定係「金鎗六十」報跑三冠尾關遮打盃,若然呢隻準馬王保持連捷,就會成為香港賽馬史上第二匹三冠馬王。睇番其餘嗰8匹報名馬,除非「金鎗六十」真係無2400米長力,去到最後400米自己會停,如果唔係,真係諗唔到有咩對手。莫非筆者可以繼「翠河」後,隔咗咁多年真係可以再睇到另一匹三冠馬王誕生?


去到呢一刻,已經唔係去談論「金鎗六十」有幾犀利嘅時候,而係睇吓佢有冇機會成為香港賽馬史上嘅GOAT(greatest of all time)。目前18戰17勝嘅「金鎗六十」,已經不斷挑戰紀錄,如果真係順利贏埋遮打盃,佢固然做到史上第二匹三冠馬王,同時佢係追平「精英大師」、「美麗傳承」同埋「永勝」在港累積18W嘅紀錄,只要下季再贏多一場,就做埋香港史上頭馬最多賽駒。筆者曾經同呂健威提到呢項紀錄,威哥有信心「金鎗六十」可以做到。


講真,都係一場遮打盃,點解令筆者覺得如果「金鎗六十」贏到,可以成為香港史上最強呢?首先,香港從未有馬匹可以一季贏5場G1,強如「美麗傳承」一季8捷,當中只係有4場係一級賽,依家「金鎗六十」若然可以一季8捷,咁佢就可以一季包辦香港一哩錦標、董事盃、香港金盃,冠軍一哩賽及遮打盃5場G1,單係呢樣嘢,已經前無古人,後亦未必有來者。


同埋若然「金鎗六十」贏埋遮打盃,佢喺香港分別贏過田草1200、1400、1600、1800、2000同埋2400米6項不同路程,如果用打機嘅路程適性,佢就係1200至2400米都得,咁嘅馬王,值得係史上最強啦。


Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号,

每个礼拜获取5%保险现金回扣和更多的欢迎奖金!


2 views0 comments