【賽馬以外】贏五班不是頭馬嗎?!


「有苗頭」雖然都係一場五班頭馬,但對鞍上人黃俊嚟講,就意義重大啦。


又到新一季,好開心又可以繼續喺呢個平台同大家吹吓水。睇番筆者上季最後一篇文章,最後一句就係「究竟何、鄭兩廐有無奇迹誕生,下季自有分曉。」講真,喺寫嗰刻已經知,奇迹邊有咁易,但仍抱半點希望。點知馬會今季突然修訂練馬師續牌標準,五班頭馬只計兩場,換言之如果一季埋單有16W,只能有兩場係五班頭馬,萬一就算全季有20W,如果有7W係五班賽,咁實際上只計15W,即係唔合格。喺呢個新制度下,何良、鄭俊偉本身兵力有限,廐內亦有唔少五班馬,要贏16W已經唔易,仲要佢哋贏多啲高班賽事,即使同攞佢哋條命無分別遮。


點解突然要推出呢個政策?筆者嘗試從馬會角度諗,佢哋可能唔太想見到有啲練馬師刻意將馬匹減分,落到五班先至搏殺,同時希望提升賽事水準。究竟啲練馬師係咪咁鍾意「燉馬」,筆者都接觸唔少倉主,講真大部分唔會咁諗,有得贏唔通唔贏咩,但有時馬匹進度未夠,減分卻火箭咁快,話咁快就落到五班,唔到佢哋控制;有時馬匹質素平平、實力未夠,四班贏唔到,唯有落到五班爭勝,而練馬師嘅任務就係幫馬主贏馬,咩班次都應該一視同仁。


如果問一位練馬師,究竟訓練一匹馬王定係五班馬比較困難啲,佢哋應該會答五班馬。馬王就好似質優生一樣,本身能力已經高,有時只需要保持馬匹狀態,安排一啲適合嘅賽事,已經攞到好成績。但五班馬又點,本身一定有啲缺點,又或者健康有問題,訓練同部署肯定要花更多心機,所以有時啲練馬師都會話,贏一場五班馬一樣充滿滿足感。依家同佢哋講,五班頭馬?只計兩場咋,佢哋仲會唔會擺心機落去,部分中游馬房甚至唔想要二五班馬。咁咩人接收,咪又係下游馬房囉。


放眼世界任何地區,都會有高班同低班賽事,低班賽事獎金較低,非常合理,但頭馬就係頭馬,點解五班就可以唔計數?合理嗎?如果筆者係一匹五班賽駒馬主,隨時告馬會歧視都唔奇啦。


Register account with us at https://www.l7gaming.com/

Get 5% weekly rebate and more exclusive promotion now!

浏览 https://www.l7gaming.com/ 并与我们注册账号,

每个礼拜获取5%保险现金回扣和更多的欢迎奖金!


0 views0 comments