【路氹見聞】心急人上 極速做馬主有辦法

澳門馬圈最近生氣勃勃，馬房陸續翻新靚返晒，而且大幅提升獎金迎接新季，加上又有兩位新練馬師史偉恩、摩力高開倉，後者為摩加利之子，摩氏家族重出江湖，據聞法國名將巫斯義亦有算於較後時間開倉，為澳門賽馬會帶來一番新景象。

為改善馬口增長，澳門馬主協會亦盡一分力，搞搞新意思，今季首推了一個「二手」馬匹競投計劃，經協會名義引入的賽駒，除了有運費優惠，更可在抵達澳門半年內公開競投轉售，由買家自行入標，價高者得，非常適合心急想做馬主的會員，中咗標就可即刻成匹馬拎走，另可更改自己喜愛的馬名，更好係可以等匹馬抵埗後，試完閘或出埋賽後，睇啱先至入標，咁就唔使怕中伏，相信此舉有助提升更多人在澳門養馬的意欲。

「協會」系馬匹刻下推出首匹良駒，接受有興趣人士標投，名下「協會八號」暫時跑過兩次，獲得1亞1季，看來好快有頭馬見面，想入標競投這匹馬就要爽手，因為今日下午就截標。