彭國年騎足十場 做埋告東尼影子主帥


首日來港客串立即技驚四座嘅法國騎師彭國年(Tony),雖然近兩次賽事似乎冇咩料到,但尋晚首次喺跑馬地上陣亦有一匹「加州雷電」入圍,成績不算失禮。嚟到今期周末沙田賽事,可能因為潘頓、史卓豐要停賽,彭國年變得非常搶手,依家騎足十場,以一位啱啱來港發展嘅騎師嚟講,非常難得。

睇返彭國年呢十匹坐騎,竟然有7駒出自告東尼馬房,就好似東廐影子主帥一樣,證明呢位本地馬壇大哥大都極之器重彭國年,甚至連馬房今季打吡希望「孖寶兄弟」交畀佢操刀,絕對係對鞍上人充滿信心。其餘幾匹參戰馬好似「嘉應精彩」、「熱血鬥士」等都係質新有潛力,既然告東尼咁支持自己,彭國年肯定會搏晒老命,希望同練者喺凱旋門影相啦。

0 views0 comments