潘頓定雷神:邊個配搭先至最理想?


潘頓同莫雷拉響綠茵場上固然係死敵,好多時接手對方坐騎,佢哋都好想一顯顏色,施以下馬風,正如周日賽事中,列陣第三場第四班泥地千二米嘅「理想回報」,都可以講係佢哋鬥法嘅活生生例子。

「理想回報」今季首戰就由雷神帶來在港首勝,原本跟住一場順理成章都係搵佢跑,卻因為雷神早已有聘約,所以就換咗潘頓,可惜該次夜賽宣布取消,其後再報名,理應可以用番雷神,但沈集成係重承諾之人,所以畀番潘頓跑一次,結果一哥都毫不示弱,幫隻馬成功連捷。

兩人先後幫呢匹馬建功,成績打成平手,潘頓贏完再騎,卻又因為塞車失諸交臂,結果剛戰輾轉又落番入雷神之手,轉戰谷草結果又係犯埋咗一哥嘅相同錯誤,真係好似啱啱遇着剛剛。

到咗今場出擊,發球權又落番響潘頓手上,相信佢都好想騷吓哥利,響馬主面前威過雷神,更何況馬主之一嘅嚴顯強,都係騎師出身,大家都係同行,邊個騎得好,相信佢心裹有數。

今次重返強項泥地方1200米,廐主安排此馬重戴眼罩,有晒針對性部署,當然係想打破近期悶局,加埋潘頓肉緊嘅演繹,「理想回報」呢場都可以講係擺明車馬。

0 views

USER GUIDE

FAQ

Deposit Guideline

Withdrawal Help

BANK PAYMENT

Copyright © 2019 L7Gaming | All rights reserved .

  • Facebook
  • Instagram