趁停賽去布吉玩Yoga 沈拿回防：原來我有童真

沈拿(紅帽)回防即捉實呂健威傾「金童」。

停咗兩期賽事嘅沈拿，周三谷戰正是佢復出之時，不過坐騎只得兩匹咁大把，分別係「金童」及「奇真」，但對於呢位冇蒲頭幾日嘅騎師嚟講已經執到。事關呢位意大利籍騎師過去幾日都身在泰國布吉充電，做吓Spa就少不免，來個與世隔絕嘅快閃遊，佢今朝向記者分享自己喺當地玩瑜珈(Yoga)，發覺筋骨的確鬆馳咗好多，配合埋每日起身做適量帶氧運動，目前狀態大勇，沈拿仲透露今期兩駒都有爭勝條件，到時睇佢Show Time咁話！

另外，沈拿復課除咗親自替「奇真」試咗課草地，仲喺機坪捉實呂健威開會，話題梗離唔開合作馬「金童」，此駒其中一場頭馬由沈拿經手，人馬極之合拍，而近兩仗在五班賽檔位欠佳下都輸近，今仗終於抽4檔好位，有望唔使再走蝕位。

Read more : https://www.l7gaming.com