霍老爺破悶局信晒自己友



韋達剛剛打破悶局,靠「會長之星」贏番場,原來佢位鄉里霍利時,呢輪成績都唔好得去邊,上個月20號贏完隻「戰熊三千」,就一直處於捱打局面,即使早響三月分就已經上咗岸,但餘下日子都係執得4W,成績都幾令人失望。


始終霍利時呢兩季都要打護級戰,調動一兵一卒都會較為謹慎,不過既然經歷咗成個月頭馬荒,睇見鄭俊偉近期愈戰愈勇嘅表現,相信佢都唔想繼續交白卷,返嚟谷草主場,把握大好多,事關今季20W,15W來自谷草,而且近7場頭馬亦喺跑馬地攞到。


不過,更要留意就係今次用人部署,霍老爺全部起用外籍大師傅,唔好睇小呢個安排,事關響呢兩季護級戰,霍老爺全部頭馬,都係用外籍騎師操刀,當中田泰安同郭能,都可以講係佢嘅愛將,同華將合作就一場都未贏過。


以佢近期賽事成績欠理想,都係用黎海榮、梁家俊、黃皓楠,甚至外籍騎師就用最弱勢嘅薛恩,馬迷都應該心裏有數,呢次谷草夜賽,終於換番自己友為主,田泰安騎「甲烷」、「睡眠攻略」,郭能騎「越感」,仲有後勁年騎「勝感」,可以講係殺氣騰騰,要破悶局,睇嚟都好大機會。

0 views

USER GUIDE

FAQ

Deposit Guideline

Withdrawal Help

BANK PAYMENT

Copyright © 2019 L7Gaming | All rights reserved .

  • Facebook
  • Instagram