30W達成 麥晴欣破紀錄喇！

目前仍能夠讓賽馬活動繼續進行嘅地區唔多，除了香港以外，日本亦可讓賽事順利舉行，不論中央競馬會抑制地方競馬會嘅賽事均能如期上演。

被譽為最靚女騎師，今年初獲地方競馬會發牌嘅法國女將麥晴欣，迅速成為當地其中一位最受歡迎嘅騎師，而且佢唔係淨係得個樣，騎功亦絕對唔差。喺剛周二亦係佢客串期最後一天，麥晴欣於船橋競馬場順利再添1W，令佢喺今次客串期嘅頭馬增至30場，打破昔日由文羅、顧偉樂保持嘅29W紀錄，成為地方競馬會有史以嚟於客串期內贏馬最多嘅騎師。

雖然只係客串短短兩個月，合共出賽267次，麥晴欣攞到30冠29亞30季，勝出率逾11%，難怪佢話想學好日文，今年10月會嘗試去考日本中央競馬會嘅騎師考試，希望能夠喺當地長期發展。