Ben仔:開齋靠你喇 泥版巴基



馬圈好現實,無馬贏就無支持,好似禮拜日沙田泥地賽事,三位未開齋嘅騎師,希威森、黎海榮只得兩匹坐騎,反而蘇狄雄情況好啲,共騎5駒上陣,當然大部分都係啲近績麻麻嘅馬,慶幸佢仲可以保住「金地飛客」帥印,話唔定可以幫佢攞到今季首W。

其實講近績,「金地飛客」亦唔係好得去邊,上仗喺三班泥地1200米由蘇狄雄執韁只跑第10名,但賽後竟然獲減2分得番60分,今次可以落到四班上陣,幕後亦無換人,Ben可以保住帥印,心情應該幾興奮,事關呢隻馬近兩次跑四班同程取得1冠1亞,證明落班有優勢。

另外,Ben仔過往曾兩度為呢匹經常喺泥地短途交出凌厲後勁、有泥地版「巴基之星」嘅「金地飛客」建功,埋門一課試泥閘由亦佢自己親自考驗,睇吓能否順利贏番場啦。

2 views0 comments