計埋禮拜六田戰，今季得番6次賽事，各位成績又點呢？究竟係贏大錢，抑或輸鑊甘？講真，喺馬場贏大錢絕對唔易，但亦唔想輸甩褲，如果平穩過渡，中間上上落落有贏有輸，嚴格嚟講都算成功㗎喇。
如果輸緊錢，馬迷心態都係想追數，始終覺得如果埋單一季係正數，個心都會舒服啲，但賭錢呢啲嘢講唔埋，如果真係咁順利，就唔會去到依家都係負數啦，若然太心急想追落後，隨時輸更多都唔係。始終贏要谷，輸要縮嘛。
不過，季尾階段，究竟有冇咩投注指南，可以提高勝算呢？睇番近幾次賽事，筆者認為有兩類馬匹，絕對值得吼實。第一類就係對上兩仗贏過嘅馬，就以尋晚谷戰為例，「天賜寶」、「正本歡心」、「電訊巴打」均係新勝馬，結果順利再下一城，而「俏芳華」就係前仗贏完今回再贏，事實上呢類馬匹唔係全部都係熱門，用嚟過關隨時意外收穫。如果睇埋前次沙田賽事，「大紅蜂」、「手到回來」同埋「馬爾代夫」就係呢類馬匹，而當日呢口三寶派彩有1368元，就算唔錯啦。
至於另一類要留意就係減分多或者回落到有利水平，兼且重返贏馬路程嘅馬，其實季尾階段，有好多評分呢類馬匹藉評分優勢於回首本路程出擊得手，上周日就有「開心大師」，尋晚就係「過河勁卒」，再數就係今個月13號爆冷嘅「天賜寶」。仲有6次賽事，不妨試吓喺呢兩類馬匹埋手，睇吓能否帶來意外收穫？
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！