兩駒整親腳退出 遨遊之星補上趁地淋？

馬會啱啱公布聽日沙田賽事有兩駒退出，先係第六場2號馬「星夢帝國」（原因：左前腿不良於行)，由後備馬「遨遊之星」補上，改由賀銘年策騎，換言之呢位復出嘅法國好手可以騎足11場。值得一提，「遨遊之星」前仗贏馬時遇上變化場地，當日沙田馬場有雨，預計聽日亦可能有雨，莫非呢匹容廐馬又可以趁地淋？

另外，第11場12號馬「電路三號」亦已退出競賽（原因：左前腿及右後腿不良於行），但由於呢場並無後備馬，因此只餘下13駒出賽。