早喺三歲已經贏過G1聖詹姆士皇宮錦標嘅高多芬賽駒「吵鬧不休」(Barney Roy)，近兩年出賽唔多兼表現麻麻。不過，踏入2020年，呢匹6歲馬竟然全面復活，年初喺杜拜兩戰全勝兼贏級賽，然後上個月喺英國角逐威爾斯親王錦標又得季軍。
尋晚練馬師艾柏賓安排「吵鬧不休」轉戰德國，喺慕尼黑馬場出戰2000米G1巴伐利亞大賽，即使朝早有雨，即時對呢匹唔擅長跑淋地嘅馬構成考驗，但最終仍能喺布宜學胯下以頸位之微擊敗對手，今年4戰得3冠1季，表現出色。賽後布宜學都話因為受到場地影響，「吵鬧不休」早段花了不少時間適應，但最終仍能克服難度兼憑鬥心取勝險勝，表現出色。
值得一提，高多芬亦有意安排「吵鬧不休」於下半年南下澳洲角逐覺士盾，睇吓最終能否順利遠征啦。