究竟薛恩騎功好唔好？各人有佢嘅評價，但話晒贏過咁多G1，上季佢喺香港亦憑「將王」同埋「顯心星」贏咗唔少大賽，兼且方嘉柏同韋達都好重用佢，就知肯定有料到。不過講娛樂性，薛恩肯定爆分，繼早年試過喺陣上甩咗條馬褲，結果於馬背上露股後，尋日喺在維多利亞省沙丘園馬場嘅賽事，薛恩再次出現極有趣嘅鏡頭，但今次佢就真係展現功架同埋超乎常人嘅平衡力喇。
事緣喺第5場1400米賽事，薛恩策騎3歲馬New Level上陣，點知起步冇幾耐佢就發現自己甩咗右邊腳踏，通常呢啲時候為保安全，騎師都會索性甩埋另一邊腳踏兼收慢坐騎，同時放棄催策，確保安全，但薛恩人急智生出奇招，突然決定咬住條馬鞭保持平衡，然後嘗試只靠一邊腳踏繼續騎，結果佢依然可以讓坐騎領放，入直路後即使側咗少少身，依然可以打右手鞭催策，最後坐騎拉士力弱只得第4名，但今場薛恩真係話畀大家知，佢係一個幾咁犀利嘅騎師，幾乎全程靠一邊腳踏都贏到。
Register account with us at https://www.l7gaming.com/
Get 5% weekly rebate and more exclusive promotion now!
浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！