澳洲騎師薛恩周末(9日)殺到。
今朝臨收操時，獸醫突然於烽火台出現，原來有匹現役馬被抽樣做氣管檢查，正是由容天鵬訓練嘅「超跑王」，並由副練曾超祺在大圈快操一段，馬匹出試時需配戴一部呼吸儀器在鼻上，用作採摘氣管數據，須知呢項檢查同馬匹健康無關，更何況呢匹4歲PP喺澳洲更有不俗成績，六戰共獲兩冠三季一殿，全入前四，前景不俗。
值得一提，「超跑王」於澳洲出道首戰，出戰一場只限兩歲處女馬參賽嘅1350米草地右轉賽事，結果由薛恩(Blake)跑入一席季軍，只係輸畀頭馬1.34馬位，十分近磅，然而呢位澳洲騎師周末(10日)飛抵本港，履行為期半年嘅公司騎師合約，人馬於新馬季有機會重逢，而Blake哥於三年前來港客串過一日，當時已經識得同班華籍練馬師打交道，即管睇下佢點氹掂鵬哥，畀番隻「超跑王」佢騎啦！
「超跑王」今晨被抽樣戴上呼吸儀做檢查。
薛恩(左)同鄉里大摩一早有計傾。
姚本輝(左)
文家良(左)、呂健威(右)
好快就見到薛恩(近鏡)在晨課操馬。
Read more : https://www.l7gaming.com/