玩開股票都一定聽過摩根士丹利，在金融界有個朵叫做「大摩」，分量舉足輕重，被好評嘅股票絕對有參考價值；馬圈亦有大摩，同樣係重量級，而且更有點石成金嘅能力。
「猴王駒」、「不羈的風」、「好吉利」、「安騏」、「安喜」、「天外天」、「馬到成功」、「帝勝之星」及「好運」嘅共通點，就係加盟摩廐後都有頭馬交代，其中「帝勝之星」贏得處女勝利，更令人拍爛手掌，所以獲大摩垂青，通常都有運行。
今個暑假，入「摩」情況比較淡靜，只得「劍追風」一匹來投，不過貴精不貴多，既然是唯一，當然值得跟進。
「
劍追風」上季尾轉投鄭俊偉馬房，本來是雷霆救兵幫手護級，結果錦上添花，成為鄭廐第18W。「劍追風」加盟鄭廐後兩戰先季後冠，贏馬一役配陳嘉熙落飛大熱在谷草一哩一放到底，信心之強反映實力超班。呢匹剛踏正軌嘅北半球自購馬，在港起步分為88，現評76分正處反彈浪，入「摩」後初步目標睇彈番上88分，已經有2W在手。