top of page

佢要一季贏10場!?




又一季喇,好開心又可以同大家喺呢度吹吓水。始終放低馬事一段時間,今日都重溫睇番之前啲稿,唯一肯定係今季尾應該唔會再寫何良,因為收咗3封警告信嘅良哥已經退休。當然,筆者亦冇諗過苗禮德喺上季煞科無幾耐就決定唔玩,即使筆者覺得以苗禮德嘅性格,絕對唔會畀自己三振出局,但咁快就閃人,又真係估佢唔到。


不過,開季最令筆者估唔到嘅嘢,一定係三冠短途王「金鑽貴人」竟然會衞冕一班1200米特首盃。雖然間唔中都有120分或以上嘅馬出戰呢場開鑼日重頭戲,上季「顯心星」正正係120分參戰,而筆者搵番由2000年至今嘅特首盃,只得18匹120分或以上嘅馬跑過,評分最高就係2002年以127分參戰嘅「魅力之城」,「原居民」則試過評124分縮程出擊,2015年就有「天久」以123分上陣,可惜上述呢幾匹高分馬跑特首盃全部輸晒。或者咁講,對上22年只係得一匹120分或以上嘅馬贏過特首盃,就係2018年嘅「勝得威」。所以,就算「金鑽貴人」評131分,兼且係應屆最佳短途馬,始終要讓同場對手廿磅,唔係一啲疑點都無嘅。


當然從部署睇,由當初潘頓希望「金鑽貴人」喺下個月去澳洲出戰珠穆朗瑪峰錦標,到筆者以為呢匹短途好手會出戰10月初嘅日本短途馬錦標,依家變成跑普通一班賽,真係有啲反高潮,甚至潘頓都以為既然唔遠征,「金鑽貴人」應該都留力年尾嘅香港短途錦標,點估到開鑼日就上陣啦。


對於「金鑽貴人」今次部署,或者唔少人都唔理解,但筆者又掉轉諗一諗,既然呢匹短途王上季8捷都做唔到馬王,輸畀「金鎗六十」,今季不如試吓再跑番上季嗰10場,然後全部贏晒,睇吓仲會唔會唔頒馬王寶座畀佢嘛。以「金鑽貴人」今季只係5歲,體力應該無大問題,要贏番上季失落嘅G2精英碗同埋香港短途錦標,難高未必太高,睇吓「金鑽貴人」今季嘅10W之旅,係咪可以喺禮拜日打響頭炮啦。



Register account with us at https://www.l7gaming.com/

Get upbove market rate weekly rebate and more exclusive promotion now!


浏览 https://www.l7gaming.com/ 并与我们注册账号,

每个礼拜获取市场最高保险现金回扣和更多的欢迎奖金!

0 views0 comments

Comentários


bottom of page