何澤堯目前身在英國客串。
應屆告東尼獎得主何澤堯，煞科後已馬不停蹄前赴英國張仕頓馬房學藝，尋日更已火速作出今次歐洲之行地標戰。喺李斯特馬場上陣嘅Vincent，全日獲張仕頓提供一匹坐騎，夥拍處女馬Magic Act出戰第三場三歲以上五班2000米賽事。
可惜，呢匹Magic Act唔知係咪缺乏出賽經驗，即使Vincent直路已經起勢咁騎，但馬匹衝勢只屬平平，七匹馬當中只能以第五名過終點。同場勝出馬則係由高多芬主帥杜俊誠策騎嘅大熱門Dramatic Device。雖然華將一哥第一次落場未能打開勝門，不過周六佢將捲土重來，夥拍同樣由張仕頓提供嘅Victory Command列陣新市場馬場第四場二班1600米賽事，且看能否順利攞到今次歐洲之行第一W？
何澤堯首戰策騎Magic Act(紅箭嘴)得第五。
Read more : https://www.l7gaming.com/