姚本輝目前身在新西蘭買馬。
雖然依家領先優勢只係縮窄到得返3W，但姚本輝聽日都唔會坐鎮馬場督師，事關佢上周五已經出發去咗新西蘭，出席今日開始舉行嘅卡拉卡週歲馬拍賣會。既然決定喺農曆新年呢段時間都要出門，輝哥當然積極揀蟀，今日已經有收穫，分別豪花25萬紐元(約128萬港元)及31萬紐元(159萬)購入兩匹父線係「小法寶」嘅週歲馬，合共使咗287萬港元，認真大手筆。
其實「小法寶」子嗣係香港都算幾成功，之前嘅「火紅人」、「蒜頭仔」同埋「凱旋生輝」成績唔錯，最近亦有「電路三號」成功報捷，今次輝哥以128萬引入呢匹新血，睇吓遲啲能否幫佢取得好成績？
Read more: www.l7gaming.com