受到疫情影響，今季騎師陣容轉變不大，上季臨危受命來港解決騎師荒嘅波健士、賀銘年分別取得半季及全季騎師牌照；最明顯的轉變就係巴度取得全季牌照，長駐香港發展。騎師選擇多咗，其他騎師想爭取實力坐騎更添難度。剛戰谷草賽事，兩位見習騎師黃俊、陳嘉熙更未能獲得坐騎上陣，但其實馬迷細心留意的話，便能一一拆解箇中原因。
第一，素來唔多馬匹喺季初即刻有十足作戰狀態，當中更有唔少賽事，出賽馬匹數量不足，以剛戰谷草為例，全晚8場賽事，有5場出馬數量不足12匹，當中第二場三班1200米更只得9駒參戰，變相騎師覓坐騎時更添難度；
第二，截至目前為止，每位騎師陣上決定相當小心，冇乜騎師被罰停賽，騎師數目冇咩變化；
第三，環顧今季暫時舉行嘅四個回合，36場賽事裏面，潘頓、莫雷拉、田泰安，三人分別贏得8場頭馬，剩低12場頭馬由其他騎師包辦，幕後選擇騎師時，考慮因素眾多，有得揀的話梗係想揀晒前列騎師，睇番周日賽事，騎師榜頭三位繼續夫卜上陣；
第四，季初階段唔多馬需要借用見習生減磅優惠，減磅優勢未必係幕後首要考慮，加上見習生出賽經驗比大師傅少，一啲不易駕馭嘅坐騎，未必會起用見習生。
其實呢幾個原因都係季初常見現象，相信過多一排，呢個局面將會有所改善。初乏支持
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！