【HKIR晨課直擊】東瀛大軍草地晒冷大檢閱

嚟到星期三嘅海外賽駒晨課，今朝除咗法國馬「及格大狀」留響隔離營之外，其餘外國馬都有露面操試，而日本大軍更加成為矚目焦點。事關九匹日本代表馬匹之中，只得「波斯劍客」響泥地出試，剩低八匹就分成兩批於頭、尾截操練中，全面響草地快試。

當中出戰香港一哩錦標嘅「冠軍車手」，同埋出戰香港瓶嘅「迪雅卓」，由連達文同莫艾誠兩位主戰騎師，親自考驗跳足三段，「勝出光采」繼續由嫡系騎師松岡正海，於草地考驗，而「頌讚火星」練馬師友道康夫，更加身穿馬房紫色風褸到場，親自為旗下馬匹打點操練，動態相當積極。