【R.I.P.】前香港一哩錦標冠軍配種後猝死

曾經喺2005年攻下香港一哩錦標嘅日本賽駒「三連冠」，退役後展開配種生涯，尋日喺巴西配種後突然猝死，終年19歲。

「三連冠」係「週日寧靜」子嗣，服役期間曾經兩勝G1賽事，包括日本一哩冠軍賽；佢仲遠征香港出戰香港一哩錦標，並以熱門姿態於柏兆雷胯下勝出。其後「三連冠」喺2008年開始展開配種生涯；「三連冠」曾於阿根廷配種，而佢亦喺2017年起搬去巴西，繼續配種生涯。其子嗣之一有「帽子巨星」(Hat Puntano)，並於意大利勝出二級賽準則大賽以及阿根廷二千堅尼，成績都唔差。