第1場「萬事有」上仗前試2課閘，次次展現唔錯前速，其中一課更一放到底，但試閘同真正出賽係兩回事，初出起步唔夠快放唔出，沿途欠順表現平平。告東尼唔忿氣，拚後首課快跳已替「萬事有」加戴眼罩，起初並不習慣，幾課出跳唔順暢，經過一段時間適應，唔單只無抗拒，仲變得好專注，快慢由人。11月17日試閘再睇，戴上眼罩的「萬事有」試來前後兼備跑第3，同騎到甩髀的頭二馬成強烈對比，唯一扣分只係出閘唔快，仲有少少缺點。
第5場「將俠」試夠4課閘至跑，頭3課都搶口，去到拉士一課試1600米閘加交叉鼻箍有改善，結果躋身前列。但初出即跑1400米唔易應付，因此上仗並不睇好，結果竟能殺入Q腳，尚要直路極遲望空交出強勁衝刺，高質盡顯無遺。相隔2周出戰，賽前有2課快跳已足夠，坦白講，目下「將俠」仲有啲生仲有啲肥，但以其高質8成夠贏有餘。
第9場「超勁勇士」上季懶洋洋，每逢終點前一定要畀兩步，唔畀就收停，難得陣上依然交出佳績，能力極高。今季升上三班，上仗熱捧三甲不入，但跑第4只輸不足1身位，而且首次除頭罩，表現合格有餘。跑完足足抖2個月有多，休戰期間從未缺課，大閘更試夠2次，而呢2課加上面箍出試有好大轉變，唔再懶洋洋輕鬆跟前，末段並維持勁勢，確認面箍好啱使。
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！