尾場三班千六，「不羈的風」直路在馬林中穿上，勢頭幾好呀，但呢隻大熱門，最終都係未能連捷，因為佢半同主馬「嘜誰嘜誰」，上次放頭輸咗但今回留放住跑，追勢好勁，結果安仔靠佢完成今日三捷使命，一係六期不勝，一贏就來個帽子戲法，都真係服咗你喇！講多樣畀大家聽，原來今季田泰安但凡中三W、四W甚至五W，都一定有東廐頭馬一份，呢日「嘜誰嘜誰」又幫騎者一把了，不過雖然咁多成績，但安仔都係冇咩興奮表情，係咪人大咗內斂咗呢？ 呢場開1、12半同主馬Q，賽後葉思貝等人話本來一班朋友嗌一號馬「不羈的風」，但最後全部變節，嗌晒12號「嘜誰嘜誰」，真係好搞笑！佢亦話好開心齊齊包Q，仲講其實匹「嘜誰嘜誰」上次有三級濃痰，大敗不可作準，今次告東尼預計匹馬會有截然不同演出，隻馬在澳洲時後勁好厲害，加上今次輕磅，所以順利開齋呀。 第十場賽果：12-1-10-4 組合獨贏3揀1賽果：A2(最後賠率2.5)