剛周末沈廐新泥地王「超霸神駒」又有創舉，響尾場二班泥一哩以1分36秒15打破「準備就緒」全港紀錄時間，陣上更贏5個半馬位，創今季贏馬最遠距離，賽後練馬師沈集成表示「超霸神駒」打破1650米泥地全港紀錄時間係冇驚喜，堅係對佢信心十足噃！之後佢仲話今季如果再無適合賽程，會畀隻馬提早抖暑，因為如轉跑草地會減低馬匹鬥心，成哥情願送佢去外國跑，都唔會強行安排征戰草地咁話。
其實「超霸神駒」今場大勝，分分鐘加10分以上，即係接近100分水平了，響香港根本缺乏泥地中距離賽畀佢跑，成哥係時候諗遠征了，呢隻馬用到段段快開嘅大逃跑法，唔似其他香港泥地一哩王「準備就緒」、「烽煙四喜」、「逍遙自在」咁全部靠追，已經係一大殺著，香港泥地王遠征一係去杜拜一係去日本，杜拜泥地大家睇轉播賽都有眼見，幾乎邊隻放就邊隻贏，今年「秘謎嚮導」同「胸懷抱負」都係放頭走贏杜拜世界盃同高多芬一哩賽，而日本泥地物料亦都較鬆，又係唔可以留在後面食沙，所以過往港馬一出外跑泥地一哩大賽，隻隻都輸好遠，「超霸神駒」就完全唔同，一出閘即搶頭走大幅減低難度，唔會蝕咗章先，希望呢隻智利佳駟保持到狀態，遲啲衝出杜拜、日本為港爭光喇！
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！