昨日香港馬季煞科同時，響法國隆尚馬場方面，舉行巴黎大賽日，戰況同樣激烈，全日舉行9場賽事，當中重要戲碼梗係重心錦標G1巴黎大賽。
響呢場2000米嘅3歲G1大賽，全場11匹賽駒，英愛兵團合共佔咗5駒，岳伯仁3路夾擊、艾柏賓同郗國思就各佔一匹，三大遠征專家強勢而來，結果響今場賽事，足以令主隊馬匹比下去，最終賽果係畀客隊盡擸前4名。
究竟當中邊個成為幸運兒，答案就係由艾柏賓嘅「颶風萊茵」，18日之內繼捧走愛爾蘭打吡，再次轉向吹襲法國成功，最終以6身位大勝岳伯仁旗下「啟導浪漫」，跑第3係郗國思旗下嘅「阿倫克爾」，第4係岳伯仁另一匹「陸間海」。唯一較失禮就係未能應付是日軟地嘅「高強騎士」，包尾而回。
至今「颶風萊茵」完成6戰5勝佳績，唯一敗仗就係響葉森打吡不敵廐侶「雅大爺」同「魅力星」得第3，而艾柏賓為免再度同室操戈，呢期一於兵分兩路，「雅大爺」將會出戰下周末舉行嘅英皇錦標。
不過高多芬呢兩匹3歲佳駟，大有機會於10月凱旋門大賽再次內鬨，而「颶風萊茵」今次響法國嘅出色表現，賽後已被英國外圍庄家，將佢同岳伯仁一對馬女：「心之所慕」，同埋橡樹賽贏一條街嘅Snowfall，三駒暫時列為凱旋門大賽嘅並頭大熱門。
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！