日本馬圈嚟緊嘅最大話題，應該係3歲馬女「謀勇兼備」及3歲雄馬「鐵鳥翱天」能否分別成為當地嘅三冠馬后及三冠馬王啦，馬會亦會轉播秋華賞同埋菊花賞呢兩場賽事。不過，其實今年日本3歲陣營絕對係良駒輩出，其中去年3戰全勝捧走一級賽朝日盃未來錦標嘅「戰舞者」，雖然今年喺三冠首兩關賽事皐月賞及日本打吡大賽都係不敵「鐵鳥翱天」跑第二，但亦充分證明能力。
繼「鐵鳥翱天」上周復出贏馬後，「戰舞者」尋日則於東京競馬場上陣，角逐1800米二級賽每日王冠，兼且首次面對年長馬，但後駒仍於李慕華胯下以無敵姿態輕取「大和卡尼」三個馬位，盡顯超班能力。
值得一提，「戰舞者」練馬師係堀宣行，馬主則是Silk Racing Club絲綢會，自然令人聯想會否遠征香港。賽後Silk Racing Club發言人透露呢匹3歲馬下個目標可能係一哩冠軍賽，然後可能遠征香港，若然選擇縮程跑香港一哩錦標，咁呢匹日本3歲第二最強咪有機會遇到我哋嘅四歲三冠王「金鎗六十」？到時真係夠晒精彩喇。
Register account with us at https://www.l7gaming.com/ Get 5% weekly rebate and more exclusive promotion now! 浏览 https://www.l7gaming.com/ 并与我们注册账号，
每个礼拜获取5%保险现金回扣和更多的欢迎奖金！