賀賢馬房自從元旦日爆冷贏出「天賦威力」後，已經食咗四期白果，係時候部署反擊行動，周日賀廐派四駒上陣，實力唔錯，有機會接二連三報捷，淨係第一、二場同主馬「福多寶」及「福滿寶」，得到雷神與布文兩大高手相助，已有實力包辦第一口孖寶。
不過亦唔好忽視第八場三班1400米件「勁駒」，此匹自購馬進步極大，上鋪是來港後第二仗已有表現，末段以勁勢衝刺得第四名，今勻增程出擊，部署十分正面而合理，有望打開勝門。
「勁駒」今晨由出賽騎師薛恩過檔快試三段，過步身輕活躍，走勢有勁，予人觀感極佳，賀賢在烽火台二樓亦十分肉緊，舉鏡睇足全程，搏殺動態表露無遺。