告東尼最近成績咁好，或多或系同佢與莫雷拉加強合作有啲關係。由2020年起，莫雷拉7次騎東廐馬上陣，取得3冠1亞，勝出率近一半，絕對唔簡單。聽日佢哋兩個繼續攜手出擊，「綫路勇駒」喺四班始終有着數，佢肯接手一啲都唔奇，反而「至尊大師」雖然啱啱喺五班贏馬，但雷神卻肯再騎就較為特別。
「至尊大師」已經6歲，按理再進步嘅空間唔大，況且本身在港三場頭馬均於五班取得，所以上仗喺五班由雷神策騎險勝後，今次升返上嚟四班兼且縮程跑田草1200米，機會應該唔會太好，但莫雷拉卻願意再騎，莫非覺得孭輕磅有計？不妨留意吓。